भारतले भन्यो, ‘तपाईहरूलाई तत्काल धेरै तेल दिन सकिँदैन’
काठमाडौं, १२ फागुन । भारतीय आयल कर्पोरेसन (आइओसी)ले नेपालको कुल मागको ६५ देखि ७० प्रतिशतसम्म मात्र पेट्रोलियम पदार्थ लोड गर्न सकिने जवाफ दिएपछि मुलुकमा इन्धन सहज हुन अझै केही समय लाग्ने भएको छ ।
माथिल्लो तहबाट स्पष्ट निर्देशन नआएको भन्दै आईओसीले निगमलाई माग जति इन्धन दिन नसकिने अनौपचारिक तवरबाट जानकारी गराएको हो ।
‘मागजति दिन नसकिने भनेपछि तत्कालका लागि डिजेलको परिमाण घटाएर पेट्रोल र ग्यासको परिमाण बढाउन खोज्दै छौं,’ मंगलबार संसदको उद्योग वाणिज्य तथा उपभोक्त समितिअन्तर्गत उपभोक्ता उपसमितिको बैठकमा निगमका निर्देशक दीपक बरालले भने ।
dainiknepal
0 comments
Write Down Your Responses