पाकिस्तानी प्रधानमन्त्रीले ओसामा बिन लादेनसँग पैसा लिएर चुनाव लडेको खुलासा
एजेन्सीः पाकिस्तानका प्रधानमन्त्री नवाज शरीफले अलकायदाका प्रमुख ओसामा बिन लादेनसँग पैसा लिएर चुनाव लडेको खुलासा भएको छ ।
पाकिस्तानमा भर्खरै प्रकाशन भएको ‘खालिद ख्वाजाः शहीद–ए–अमनु’ नामक पुस्तकमा नवाज शरीफले पाकिस्तानकी पूर्व प्रधानमन्त्री बेनजीर भुट्टो विरुद्ध चुनाव लडेको उल्लेख गरिएको छ ।
शमामा खालिदले उक्त पुस्तक लेखेकी हुन् । खालिद पाकिस्तानी इन्टेलिजेन्स एजेन्सी आईएसआईका पूर्व अफिसर खालिद ख्वाजाकी श्रीमती हुन् ।
उक्त पुस्तकलाई उदृत गर्दै पाकिस्तानी अनलाइन पत्रिका डोनले नवाफ शरीफले पाकिस्तान पीपुल्स पार्टीका विरुद्धमा चुनाव लड्नका लागि लादेनले पैसा दिएको उल्लेख गेको छ ।
उक्त पुस्तकमा लादेन र नवाजबीच साँठगाँठ थियो । त्यस्तै नवाजले पाकिस्तानमा इस्लामी कानुन लागू गर्ने तथा उनको सुरक्षा गर्ने दाबी गरेका थिए ।
तर, अहिले सरकारमा आएपछि उनले आफ्नो प्रतिबद्धता कार्यान्वयन नगरेको पनि पुस्तकमा उल्लेख गरिएको थियो ।
0 comments
Write Down Your Responses