मनीषा कोइरालाले ओलीलाई बलिउड कलाकार भेटाउने
११ फागुन, मुम्बइ ।भारतको ६ दिने राजकीय भ्रमणमा रहेका प्रधानमन्त्री केपी शर्मा ओली केही बेर अघि भारतीय प्रधानमन्त्री नरेन्द्र मोदीको गृहराज्य गुजरातको भुजस्थित पुनर्निर्माण परियोजनाको निरिक्षण गर्न गर्न पुगेका छन् ।
पुनर्निर्माण निरिक्षणपछि प्रधानमन्त्री ओली साँझ मुम्बई जानेछन् ।
भारतीय सञ्चार माध्यमले जनाए अनुसार मुम्बइमा ओलीको बलिउडका कलाकारसँग पनि साक्षात्कार हुने छ । बलिउड अभिनेत्री तथा नेपाली चेली मनीषा कोइरालाले प्रधानमन्त्री र बलिउडका कलाकारबीच भेट गराउने कार्यक्रम रहेको छ ।
दिल्लीस्थि नेपाली राजदूतावासको पहलमा मनीषा बलिउड कलाकारहरुसँग प्रधानमन्त्री ओलीको भेटतालिका तय गरेकी हुन्।
मनीषाले आयोजना गर्ने समारोहमा बलिउड अभिनेता ज्याकी श्राफ र फिल्म निर्माता सुवास घाई उपस्थित हुने टाइम्स अफ इण्डियाको समाचारमा उल्लेख छ । यद्यपी अन्य कलाकार को को ओलीसँगको भेटका लागि आउनेछन् भन्ने खुलाइएको छैन ।
nepaliheadlines
0 comments
Write Down Your Responses