वीरगञ्ज नाकाबाट आयो खुसीको खबर !
काठमाडौं, ११ फागुन । पाँच महिनाको नाकाबन्दीको मारमा परेको देशकै प्रमुख वीरगञ्ज नाकाबाट सुखद खबर आएको छ ।खबर अनुसार नाकाबन्दी हुँदा त्यहाँबाट पलायन भएका व्यापारी अहिले भने फर्किन थालेका छन् । यसले राजश्व बढ्नेछ ।
प्रतीपत्र (एलसी)मा उल्लेखित भन्सार बिन्दु परिवर्तन गरी वीरगन्ज नाका कायम गरि दिन उनीहरुले वाणिज्य तथा आपूर्ति व्यवस्थापन विभागमा दिइरहेका छन् ।
भन्सार बिन्दु परिर्वतनका लागि विभागको सिफारिस अनिवार्य चाहिन्छ । वीरगन्ज नाका अरुभन्दा छोटो दूरीको भएकाले ढुवानी लागत र समय दुवै कम लाग्छ ।
विभागका अनुसार आयातकर्ताले दैनिक १५ करोड रुपैयाँबराबरका सामान वीरगन्ज भन्सार कार्यालयबाट छुटाउने व्यवस्थाका लागि सिफारिस मागिरहेका छन् ।
झन्डै ५ महिना लामो नाकाबन्दीले वीरगन्ज रक्सौल नाका ठप्प भएपछि व्यापारीले एलसीमा वीरगन्ज भन्सार बिन्दुको वैकल्पिक नाका भैरहवा तथा विराटनगर भन्सार बिन्दु उल्लेख गरेका थिए ।
तेस्रो मुलुकबाट सामान आयातका लागि एलसी खोल्दा अनिवार्य रुपमा भन्सार कार्यालय उल्लेख गर्नुपर्छ । कारोबार दैनिकमा खबर छ ।
dainiknepal
0 comments
Write Down Your Responses