फेसबुक र ट्वीटरका सीईओलाई आइएसको धम्की
वासिंटन, फागुन १४ । अन्तर्राष्ट्रिय आतंकवादी संगठन ‘इस्लामिक स्टेट’ (आइएस) ले सोशल नेटवर्किङ्ग साइट फेसबुक र ट्वीटरका प्रमुख कार्यकारी (सिईओ) लाई धम्की दिएको छ ।
समाचार एजेन्सीहरुका अनुसार आइएसको कथित भिडियोमा फेसबुकका प्रमुख मार्क जुकरबर्ग र ट्वीटरका कार्यकारी अधिकारी ज्याक डोर्सीलाई ‘आइएस समर्थकहरुको अकाउन्टलाई निशाना बनाइरहने हो भने गम्भीर परिणाम भोग्न तयार रहन’ धम्की दिइएको छ ।
आइएएनएस समाचार एजेन्सीका अनुसार एउटा वेभ पत्रिकाले आफ्नो रिपोर्टमा उक्त भिडियो कथित साइबर सेना ‘सन्स खलिफा आर्मी’ ले अनलाइन पोस्ट गरेको थियो । भिडियोमा जुकरबर्ग र डोर्सीलाई गोली हानेको सांकेतिक तस्वीर छ । (एजेन्सी)
imagekhabar
0 comments
Write Down Your Responses