वैशाखमा स्थानीय निकायको निर्वाचन गर्नुपर्छः नेपाल
दार्चुला, १६ फागुन– नेकपा एमालेका वरिष्ठ नेता माधवकुमार नेपालले स्थानीय निकायको चुनाव आगामी वैशाखमा गर्नुपर्नेमा जोड दिएका छन् ।
‘वैशाखमा मौसमले साथ दिने भएकाले मुलुकभर एकसाथ चुनाव गर्न सकिन्छ ।’ उनले भने, ‘लामो समयदेखि स्थानीय निकाय जनप्रतिनिधि बिहिनले राजनीतिक शून्यता बढेको छ ।’
छिटो स्थानीय निकायको चुनाव गरी ग्रामीण भेगमा विकासको लहर जगाउनुपर्ने नेता नेपालको भनाई थियो ।
उनले सीमांकनपछि बनेको ७ नम्बर प्रदेश विकासमा पछाडि भए पनि सम्भावना भने थुप्रै रहेको बताए । मुलुकमा संक्रमणकाल सकिएकाले विकासमा लाग्न सबैलाई उनले आग्रह गरे ।
परिषदमा स्थानीय विकास अधिकारी सहदेव रायमाझीले आगामि आर्थिक वर्ष २०७३र७४ को एक अर्ब ८६ करोड ५५ लाख ८७ हजार रुपैयाँ अनुमानित बजेट प्रस्तुत गरेका थिए ।
kathmandutoday
0 comments
Write Down Your Responses