‘हिन्दू राज्य’ मोदीको सन्देश
काठमाडौं – भारतीय प्रधानमन्त्री नरेन्द्र मोदीले नेपाललाई पुनः हिन्दू राज्यको संवैधानिक हैसियत स्थापित गर्न प्रधानमन्त्री केपी शर्मा ओलीसँग आग्रह गरेका छन् । नयाँदिल्लीमा शनिबार मध्याह्न दुई प्रधानमन्त्रीबीच ४० मिनेट भएको एकल (वान अन वान) वार्तामा मोदीले यस्तो आग्रह गरेका हुन् ।
नेपाल हिन्दू राज्य हुनुपर्छ भन्ने मोदीको आफ्नै मान्यता र उनको दल भारतीय जनता पार्टीको दबाबका आधारमा उनले ओलीलाई यस्तो आग्रह गरेको पनि स्रोतले बतायो । यद्यपि ओलीले मोदीको उक्त प्रस्तावलाई स्वीकार र अस्वीकार कुनै कुरा स्पष्टसँग भन्न नसके पनि आफूले स्वीकारेको राजनीतिमा उक्त प्रस्तावले अप्ठ्यारो पर्न सक्ने धारणा राखेका थिए ।
कांग्रेस आईको नेतृत्वमा रहेको भारतको पूर्ववर्ती सरकारले नेपाललाई गणतान्त्रिक धर्मनिरपेक्ष बनाउन हस्तक्षेपकारी भूमिका निर्वाह गरेको थियो । आजको अन्नपूर्ण पोस्ट दैनिकमा खबर छ ।
ratopati
0 comments
Write Down Your Responses