पहिचान पक्षधर संघीय गठबन्धनले बृहत जनआन्दोलन गर्ने
१६ फागुन, काठमाडौं ।पहिचान र संघीयता पक्षधर संघीय गठबन्धनले देशव्यापी आन्दोलन गर्ने निर्णय गरेको छ । आइतबार संघीय समाजवादी फोरमको केन्द्रीय कार्यालय तीनकुनेमा बसेको गठबन्धनको बैठकले मधेसी, आदिवासी जनजाति, थारुलगायतसँग मिलेर संयुक्त देशव्यापी आन्दोलन गर्ने निर्णय गरेको हो ।
संघीय समाजवादीका अध्यक्ष उपेन्द्र यादवको सभापतित्वमा सम्पन्न बैठकले गठबन्धनमा थप चार पार्टीलाई समेत समेटेको छ । यसअघि गठबन्धनमा नौ वटा पार्टी थिए ।
थपिएका पार्टीहरुमा राष्ट्रिय मधेस समाजवादी पार्टी, नेपाल सद्भावना पार्टी, मधेसी जनअधिकार फोरम (गणतान्त्रिक) र लोक दल छन् । बैठक स्रोतका अनुसार विगतमा प्रचण्ड नेतृत्वमा बनेको पहिचानवादी गठबन्धनका सम्पूर्ण दललाई समेट्दै बृहत आन्दोलनको तयारी गर्ने निर्णय भएको छ ।
nepaliheadlines
0 comments
Write Down Your Responses